Sansar News
काठमाडौं । बलिउड अभिनेता सुशान्त सिंह राजपूत मृत्यु प्रकरणमा छानविनको लागि गिरफ्तारीमा परेकी रिया चर्कवर्ती धरौटीमा रिहा भएकी छिन् । भारतीय सञ्चार माध्यमका अनुसार उनलाई मंगलबार बम्बई उच्च अदालतले धरौटीमा रिहा गरेको हो ।
रियासँगै अन्य आरोपीको समेत अदालतले धरौटी स्वीकार गरेको छ । तर, रियाका भाई शौविक चक्रवर्ती र अब्दुल बासित परिहारलाई भने अदालतले रिहा गर्न अस्वीकार गर्यो ।
बम्बई उच्च अदालतले भिडियो कन्फ्रेन्सको माध्यमबाट मंगलबार बिहान मुद्दाको फैसला सुनाएको थियो ।
रिहासँगै रिहा हुनेमा दीपेश सावंत र सैमुएल मिरांडा पनि छन् ।
नारकोटिक्स कन्ट्रोल ब्यूरो (एनसिबि)ले गत ८ सेक्टेम्बरमा रियालाई छानबिनको लागि गिरफ्तार गरेको थियो ।
वि.सं.२०७७ असोज २१ बुधवार ११:५७ मा प्रकाशित
