Sansar News
२१ असोज, काठमाडौं । पिसीआर रिर्पोट नेगेटिभ भएको प्रमाण बोकेर ओमानबाट फर्किएका एक व्यक्तिको मृत्यु भएको छ ।
प्रवासी नेपाली एकता मन्च ओमानका नेता समेत रहेका रामेछाप भालुखोप निवासी अर्जुन कार्कीको ४६ वर्षको उमेरमा कोरोना संक्रमणबाट मृत्यु भएको हो ।
प्रवासी नेपाली एकता मन्च ओमानका अध्यक्ष उमेश विकले सेप्टेम्बर १५ को फ्लाइटमा हातमा कोरोना नेगेटिभ रिर्पोट बोकेर नेपाल फर्किएका कार्कीको कोरोना संक्रमणका कारण मृत्यु भएकोमा दुःख व्यक्त गरेका छन् ।
त्यसैगरी नेकपाको प्रवास समन्वय कमिटीका अध्यक्ष युवराज चौलागाईले पनि कार्कीको मृत्युले आफू स्तब्ध भएको बताएका छन् ।
कोरोना संक्रमण भएका कार्कीको काठमाडौं मेडिकल कलेज (केएमसी) अस्पतालमा उपचारका क्रममा मंगलबार दिउँसो मृत्यु भएको हो ।
वि.सं.२०७७ असोज २१ बुधवार १५:५९ मा प्रकाशित
