हामी सबैकाे संसारन्यूज

२१ असोज, काठमाडौँ । परीक्षा नियन्त्रण कार्यालय पुनः ५ दिनका लागि बन्द हुने भएको छ ।

परीक्षा नियन्त्रण कार्यालयका परीक्षा नियन्त्रकलाई कोरोना संक्रमण पुष्टिभएसँगै असोज १५ गते देखि असोज १८ गतेसम्म बन्द भई खुलेको कार्यालय पुनः थप ५ दिन बन्द हुन लागेको हो ।

परीक्षा नियन्त्रण कार्यालयले सूचना जारी गर्दै कार्यालय खोली सेवा दिन सुरुगरेपछि कार्यालयका विभिन्न शाखाका केही कर्मचारीहरुमा कोरोना पोजेटिभ देखिएको जनाएको छ ।

उनीहरुसँग सम्पर्कमा हुने शिक्षक कर्मचारीहरुले क्वारेन्टिनमा बस्नु पर्ने भएकोले कार्यालय सिल गरी भोलि बिहिबार देखि २६ गते सोमबारसम्म कार्यालय बन्द रहने सूचनामा उल्लेख छ ।