हामी सबैकाे संसारन्यूज

स्याङ्जा – कुवाकोट साना किसान सहकारी सँस्थाका अध्यक्ष राजु कोइरालाले युवा क्लबलाई खेलकुद सामाग्री र किसानहरुलाई कृषि बिउबिजन प्रदान गरेका छन् ।

चापाकोट वडा नं. ५, सेखाम खासामा एक कार्यक्रमको आयोजना गर्दै संस्थाका अध्यक्ष कोइरालाले सेखाम शन्देश क्लबलाई १० हजार बराबरको खेलकुद सामाग्री प्रदान गरेका हुन् । क्लबका अध्यक्ष कमल मल्लले अध्यक्ष कोइरालाद्वारा प्रदान गरिएको खेलकुद सामाग्री ग्रहण गर्दै उक्त सामाग्री स्थानिय युवाहरुको खेलकुद क्षमताको विकासका निमित्त प्रयोग गरिने जानकारी दिए ।

त्यस्तै सेखाम खासामा कृषि पेशामा आवद्ध रहेका साना किसानका सदस्यहरुलाई सँस्थाको तर्फबाट अध्यक्ष कोइरालाले विभिन्न तरकारीका विउविजन प्रदान गरेका छन् । अध्यक्ष कोइरालाका अनुसार किसानहरुलाई अबको मौसममा करेसाबारी बनाउन सहयोग होस भन्ने हेतुले सँस्थाको तर्फवाट प्याज, काउली, बन्दा, बोडी सिमी र धनियाँ जस्ता तरकारी बालीको बिउबिजन वितरण गरिएको हो ।