हामी सबैकाे संसारन्यूज

२५ असोज, काठमाडौं । सिभिल लघुवित्त ले आज असोज २५ गते हकप्रदमा अवितरित शेयर लिलाम बिक्रि खुला गरेको छ । लघुवित्तले हकप्रदमा अवितरित ८९ हजार ४ सय ५० कित्ता शेयर लिलाम गर्न लागेको हो ।

जस मध्ये ११ हजार ६ सय ८ कित्ता संस्थापक समुहको रहेको छ भने बाँकि ७७ हजार ८ सय ४२ कित्ता सर्वसाधारण समुहको रहेको छ । यी शेयरमा कार्तिक २ गतेसम्म आवेदन दिन सकिने कम्पनीले जनाएको छ ।

शेयर लिलाम प्रक्रियाको लागि सेन्चुरी क्यापिटल बिक्रि प्रबन्धक रहेको छ । इच्छुक लगानीकर्ताले सेन्चुरी क्यापिटलको कार्यालय कमलादी र सेन्चुरी कमर्शियल बैंकका बिराटनगर, बिरगंज, बुटवल, पोखरा, नेपालगंज, विरेन्द्रनगर, धनगढी, बिर्तामोड, जनकपुर, हेटौडा, नारायणघाट, घोराही , बाग्लुङ र महेन्द्रनगर शाखाबाट आवेदन दिन सकिने छ । संस्थापक शेयरको हकमा न्युनतम १ हजार कित्ताको लागि सर्बसाधारण शेयरको हकमा न्युनतम १०० कित्ताको लागि आवेदन दिनु पर्ने छ ।

साउन २५ गतेदेखि कम्पनीले १:१ को अनुपातमा शतप्रतिशतले हुन आउने ११ करोड ४१ लाख १४ हजार बराबरको ११ लाख ४१ हजार १ सय ४० कित्ता हकप्रद शेयर निष्काशन गरेको हो । हाल कम्पनीको चुक्ता पुँजी एघार करोड एकचालिस लाख चौध हजार रहेको छ ।

यस हकप्रद शेयर निष्काशन गरी बाँडफाँड गरे पश्चात लघुवित्त वित्तीय संस्थाको चुक्ता पूँजी बाइस करोड बयासि लाख अठ्ठाइस हजार पुग्ने छ।