हामी सबैकाे संसारन्यूज

२६ असोज, काठमाडौं। युवतिलाई विभिन्न प्रलोभनमा देखाएर भारत लगी बेचबिखन गरेको अभियोगमा सिन्धुपाल्चोकका टाउटाउ तामाङ पक्राउ परेका छन् । नयाँबस्ती बस्ने मेलम्ची नगरपालिका-६ घर भएका ५२ वर्षीय उनलाई शुक्रबार प्रहरीले पक्राउ गरेको हो ।

महिलालाई विभिन्न प्रलोभन देखाई भारतमा लगी बेचबिखन गर्ने कार्यमा संलग्न रहेका फरार तामाङलाई प्रहरी प्रधान कार्यालय मानव बेचविखन अनुसन्धान ब्यूरो बबरमहलबाट खटिएको प्रहरीले काठमाडौं गोकर्णेश्वर नगरपालिका-५ मा लुकिछिपी बसेको अवस्थामा बाट पक्राउ गरेको हो ।

तामाङ उपर मानव बेचविखन तथा ओसारपसार नियन्त्रण ऐन, २०६४ अनुसार थप अनुसन्धान हुने उक्त ब्यूरोले जनाएको छ ।