हामी सबैकाे संसारन्यूज

काठमाडौं । पूर्वप्रधानमन्त्रीसमेत रहेका जनता समाजवादी पार्टीका नेता डा. बाबुराम भट्टराईले बुढीगण्डकी परियोजनामा भएको भ्रष्टाचारको छानविन गर्न माग गरेका छन् । उनले उच्चस्तरीय र निष्पक्ष छानविनको माग गरेका छन् ।

सामाजिक सञ्जालमार्फत भट्टराईले आफुँले छानविन प्रक्रियालाई सहयोग गर्ने पनि बताएका छन् । भट्टराईले भनेका छन्, ‘मेरो प्रमकालमा नेपाल आफैंले निर्माण गर्ने प्रक्रिया अघि बढाएको राष्ट्रिय गौरवको बुढीगण्डकी परियोजना पछिल्ला सरकारले कमीसनखोरहरूको संलग्नतामा बदनाम विदेशी कम्पनीलाई दिएको र अहिलेसम्म अलपत्र पारेको विषयमा उच्चस्तरीय र निष्पक्ष छानवीनको माग गर्दछु।त्यसलाई सहयोग गर्न प्रतिबद्ध छु।’

मेरो प्रमकालमा नेपाल आफैंले निर्माण गर्ने प्रक्रिया अघि बढाएको राष्ट्रिय गौरवको बुढीगण्डकी परियोजना पछिल्ला सरकारले कमीसनखोरहरूको संलग्नतामा बदनाम विदेशी कम्पनीलाई दिएको र अहिलेसम्म अलपत्र पारेको विषयमा उच्चस्तरीय र निष्पक्ष छानवीनको माग गर्दछु।त्यसलाई सहयोग गर्न प्रतिबद्ध छु।

— Baburam Bhattarai (@brb1954) October 11, 2020

केही दिनअघि भट्टराईले कांग्रेस सभापति शेरबहादुर देउवासहित नेकपाका अध्यक्षद्वय प्रधानमन्त्री केपी शर्मा ओली र पुष्पकमल दाहाल ‘प्रचण्ड’ले परियोजनाबाट ९ अर्ब बाँडेर खाएको बताएका थिए । उनले ९ अर्ब खाएको प्रमाण आफुँसँग भएको पनि बताएका थिए ।

भट्टराईको भनाई सार्वजनिक भएलगत्तै नेपाली कांग्रेसले भने विज्ञप्ती नै निकालेर प्रमाण पेस गर्न चुनौति दिएको छ । कांग्रेसले चुनौति दिएसँगै उनले छानविनको माग गरेका हुन् ।