हामी सबैकाे संसारन्यूज

२८ असोज, काठमाडौं। सनराइज बैंकले चाडपर्वलाई लक्षित गर्दै हवाई टिकट र बसको टिकट खरिदमा क्यासब्याक दिने योजना ल्याएको छ।

बैंकको सनराइज स्मार्ट एपमार्फत पहिलो दुई पटकको कारोबारमा बसको टिकट किन्दा दुई सय रुपैयाँ र जहाजको टिकट किन्दा तीन सयका दरले क्यास ब्याक दिने विज्ञप्तिमा उल्लेख छ।

बैंकले कोभिडको कारण आर्थिक अवस्थामा प्रभाव पारिरहेको जनाउँदै यसले केही भए पनि राहत दिने दाबी गरेको छ। बैंकले यो योजना असोज २५ देखि कात्तिक ११ गतेसम्म लागू हुने जनाएको छ।

कोभिड १९ ले विभिन्न क्षेत्र र व्यक्तिहरुको आर्थिक अवस्थामा प्रभाव परिरहेको र अहिलेको परिप्रेक्ष्यमा बैंकले ल्याएको यस योजनाले चाडपर्वको अवसरमा ग्राहकहरुको खुशीमा अझै उत्साह उमंग थप्ने बैंकको विश्वास छ ।