२८ असोज, काठमाडौं । भारतका सेनाध्यक्ष मनोज मुकुन्द नरभाने नेपाल भ्रमणमा आउने भएका छन् ।
कोरोना महामारीले भएको बन्दाबन्दीका कारण स्थगीत हुन पुगेको भारतीय सेनाध्यक्ष नरभानेको भ्रमण कार्तिक महिनामा हुन लागेको नेपाली सेनाले एक सूचनामार्फत् जानकारी दिएको छ ।
नेपाल सरकार मन्त्रिपरिषद्को असोज २० गतेको निर्णय अनुसार नेपाल भ्रमणमा आउन लागेका नरभानेलाई राष्ट्रपति विद्या देवी भण्डारीले नेपाली सेनाको मानार्थ महारथी दर्जा प्रदान गर्ने पनि सेनाले जनाएको छ ।

वि.सं.२०७७ असोज २८ बुधवार १५:४५ मा प्रकाशित






























