हामी सबैकाे संसारन्यूज

२८ असोज, काठमाडौँ । हुम्लामा चिनियाँ पक्षबाट भएको सीमा अतिक्रमणलाई सरकारले ढाकछोप गर्न खोजेको भन्दै प्रमुख प्रतिपक्षी दल कांग्रेसले आपत्ति जनाएको छ ।

कांग्रेसका प्रवक्ता विश्वप्रकाश शर्माले बुधबार विज्ञप्ति जारी गर्दै सीमा अतिक्रमणको प्रमाण सार्वजनिक भइसक्दा पनि सरकार मौन बसेर त्यसलाई ढाकछोप गर्न खोजेको आरोप लगाएका छन्।

सिमा अतिक्रमण उत्तरी मित्रराष्ट्रबाट होस् या दक्षिणीबाट, काँग्रेसलाई दुवै अस्वीकार्य भएको उल्लेख गर्दै हुम्लाको सिमामा चीनले गरेको अतिक्रमण एक सार्वभौम राष्ट्र नेपालका लागि गम्भीर आपत्तिको बिषय भएको जनाइएको छ ।

दुई किलोमीटर भूमि अतिक्रमण हुंदा सूचना नराख्नु, जानकारी दिने सहायक प्रजिअलाई २४ घण्टे स्पष्टीकरण काट्नु, प्रजिअ नेतृत्वको टोली स्थलगत अध्ययनमा छंदै ‘सिमा मिचिएको छैन’ परराष्ट्र मन्त्रालय बोल्नु, सो टोली सिमाबाट फर्किएपछि मिडियालाई विवरण दिन रोक लगाइनु, त्यो अध्ययन टोलीको विवरण केन्द्रमा समेत सार्वजनिक नगरिनु अनि प्रतिपक्षी दलको प्रदेश संसदीय दलको नेतृत्वले अध्ययन गरेको प्रतिवेदन पाएपछि पनि प्रदेश र केन्द्र सरकार दुवै मौन रहनु दुःखद, लज्जास्पद र आपत्तिजनक भनिएको छ ।

कांग्रेसले सीमा अतिक्रमणबारे तत्काल धारणा सार्वजनिक गर्न, चीन सरकारसमक्ष ‘प्रोटेस्ट नोट’ पठाउन र कूटनैतिक संवादमार्फत हल खोज्ने प्रक्रिया अविलम्ब सुरु गर्न सरकारसँग माग गरेको छ ।

कर्णाली प्रदेश सभामा विपक्षी नेता एवं कांग्रेस केन्द्रीय सदस्य जीवनबहादुर शाही नेतृत्वको अध्ययन कार्यदलले पिलर नम्बर ५ देखि १२ सम्मको अध्ययन गरेअनुसार नाम्खाको लिमिमा चीन सरकारले करिब २ किलोमिटर नेपाली भूमि अतिक्रमण गरेको निष्कर्ष रहेको विज्ञप्तिमा उल्लेख गरिएको छ । नेता शाहीको टोली अध्ययनका लागि असोज १४ गते नाम्खा पुगेको थियो ।

विज्ञप्तिको पूर्ण पाठ :