Sansar News
काठमाडौं । एमसीसी सम्झौतासहित विभिन्न भ्रष्टचारका काण्डविरुद्व २१ बाम पार्टीले बिहिबार प्रदर्शन गरेका छन् । अपरान्ह १ बजेदेखि काठमाडौंको माइतीघर मण्डलामा उनीहरुले प्रदर्शन गरेका हुन् ।
प्रदर्शनमा सरकारद्वारा प्रतिबन्धित नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टी पनि सहभागी छ । प्रदर्शनमार्फत २१ बाम पार्टीले एमसीसी सम्झौता खारेज गर्न माग गरेका छन् । २१ पार्टीले भारतले गरेको सीमा अतिक्रमणको विरोध गरेका छन् ।
साथै कोरोना महामारीमा सरकारबाट भएको भ्रष्टाचारको विरोध गरिएको छ । २१ पार्टीले कोभिडको उपचार निःशुल्क गर्न, भोकमरीबाट पीडित जनताको न्यूनत आवश्यकता सम्बोधन गर्न, रोजगारीको व्यवस्था गर्न लगायतका माग राखेका छन् ।
एक घण्टासम्म चलेको प्रदर्शनमा २१ पार्टीका तर्फबाट १०५ जनाको उपस्थिति थियो ।
प्रदर्शनमा यसअघि कार्यगत एकता घोषणा गरेका (नेकपा (मसाल), नेकपा (क्रान्तिकारी माओवादी), . नेकपा (माले), राष्ट्रिय जनमोर्चा, नेपाल, देशभक्त जनगणतान्त्रिक मोर्चा, नेपाल, नेपाल कम्युनिस्ट पार्टी, नेकपा (माओवादी केन्द्र), राष्ट्रिय जागरण मञ्च, जनसमाजवादी पार्टी, नेकपा (संयुक्त), राष्ट्रिय जागरण परिषद्, नेपाल, वैज्ञानिक समाजवादी कम्युनिस्ट पार्टी, नेकपा (बोल्शेविक), राष्ट्रवादी केन्द्र, नेपाल, एमसीसी खारेज अभियान, पुष्पलाल अध्ययन समाज, सर्वहारावादी कम्युनिस्ट पार्टी (माओवादी), माक्र्सवादी एकता अभियान, नेपाल, नेकपा (माक्र्सवादी), नेकपा माक्र्सवादी (पुष्पलाल) र नेकपा (माओवादी)काे सहभागीता थियाे ।
वि.सं.२०७७ असोज २९ बिहीवार १५:४३ मा प्रकाशित
