हामी सबैकाे संसारन्यूज

काठमाडौं । पूर्वप्रधानमन्त्री एंव सत्तारुढ नेकपाका वरिष्ठ नेता झलनाथ खनालको फोक्सोमा पानी जमेको कारण श्वासप्रश्वासमा समस्या देखिएको अस्पतालले जनाएको छ । खनालको उपचार गरिरहेको ह्याम्स अस्पतालले बिहिबार एक प्रेस नोट सार्वजनिक गर्दै शरिरमा पानीको मात्रा बढी हुनुका साथै फोक्सोमा पानी जमेको कारण समस्या आएको जनाएको हो ।

अस्पतालले जनाएअनुसार खनालको स्वास्थ्य अवस्था सुधारोन्मुख छ । यहि गतिमा प्रगति केही दिनमा नै डिस्चार्ज गर्न सकिने अस्पतालका कार्यकारी निर्देशक डाक्टर ज्योतिन्द्र शर्माले जानकारी दिए ।

अहिले उनको उपचारमा डा अर्जुन कार्की, डा रक्षा पाण्डे, र डा राजु पंगेनीको टोली खटिएको जनाइएको छ।

श्वासप्रश्वासमा समस्या भएपछि खनाल बुधबार ह्याम्स अस्पताल भर्ना भएका थिए ।