हामी सबैकाे संसारन्यूज

५ कात्तिक, पोखरा । गण्डकी प्रदेशमा आज विहान थप १८ जनामा कोरोना संक्रमण पुष्टि भएको छ ।

प्रदेशको स्वास्थ्य निर्देशनालयका अनुसार आज थपिएका १८ जनासँगै प्रदेशमा कूल संक्रमितको संख्या ६ हजार १०५ पुगेको छ ।

भरतपुर अस्पताल, चितवन मेडिकल कलेज चितवनमा गरिएको परीक्षणमा आज थप १८ जनामा संक्रमण पुष्टि भएको हो ।

निर्देशनालयका अनुसार कोरोना संक्रमणबाट मंगलबार बिहान र राति गरेर थप दुईजना संक्रमितको मृत्यु भएको छ ।

निर्देशनालयले दिएको जानकारी अनुसार नवलपरासी बर्दघाट सुस्तापुर्वका ५० वर्षीय पुरुषको मंगलबार बिहान ९ः५६ बजे चितवन मेडिकल कलेजको कोभिड आइसीयुमा उपचारका क्रममा मृत्यु भएको हो ।

त्यसैगरी म्याग्दीको धौलागिरी ७ का ८५ वर्षीय पुरुषको पनि मंगलबार राति ८ः२५ बजे पोखरा स्वास्थ्य विज्ञान प्रतिष्ठानको कोभिड आइसीयुमा उपचारका क्रममा मृत्यु भएको हो प्रतिष्ठानले जनाएको छ ।  यी दुईसँगै प्रदेशमा कोरोना संक्रमणबाट मृत्यु हुनेको संख्या ५७ पुगेको छ ।