हामी सबैकाे संसारन्यूज

काठमाडौं । चाडबाड सुरु हुँदै गर्दा भारतमा प्याजको मुल्यमा फेरि अनौठो बढोत्तरी आएको छ । भारतीय सञ्चार माध्यमका अनुसार पछिल्लो १/२ दिनको बीचमै प्याजको मुल्यमा प्रतिकेजी भारु २० देखि ३० ले बृद्धि भएको हो । खुद्रा बजारमा प्याजको मुल्य भारु १०० सम्म पुगेको बताइएको छ ।

भारतका विभिन्न राज्य र शहर बिच्छे भने प्याजको मुल्य फरक–फरक छ । अधिकांश राज्यमा प्याजको मुल्य भारु ७० देखि ८० सम्ममा बिक्रि भईरहेको छ ।

भारतको उपभोक्ता मामिला मन्त्रालयका अनुसार भारतको दक्षिण र पश्चिमी क्षेत्रमा आएको वर्षा र बाढीका कारण उत्पादन प्रभावित भएसँगै मुल्यमा बढोत्तरी आएको हो । मन्त्रालयले अझै केहि बढ्न सक्ने आकंलन गरेको छ ।

भारतीय सञ्चार माध्यमले उल्लेख गरेअनुसार आगामी तिहारसम्ममा प्याजको मूल्य भारु १०० भन्दा माथि पूग्ने सम्भावना छ ।

नेपालमा पनि प्रभाव पर्ने सम्भावना

भारतले प्याज निकासीमा प्रतिबन्द लगाएसँगै नेपालमा प्याजको मूल्य आकाशिएको थियो । प्रतिबन्धसँगै प्याजको मूल्य प्रतिकेजी ४० रुपैयाँबाट एकै पटक महंगीएर १०० भन्दा माथि पुगेको थियो ।

पछिल्लो समय पुनः भारतमा प्याजको मुल्य बढेसँगै त्यसको प्रभाव सिधा पर्ने देखिएको छ । नेपालमा पुनः प्याजको मूल्य अझै बढ्ने आकंलन गरिएको छ ।

हाल नेपाली बजारमा भारतीय प्याजको मूल्य प्रतिकेजी १३० देखि १४० रुपैयाँमा कारोबार भईरहेको छ ।