Sansar News
९ कार्तिक, काठमाडौं । नागढुङ्गाबाट नियन्त्रित लागूऔषध सहित प्रहरीले ३ जनालाई शनिबार बिहान पक्राउ गरेको छ । उनीहरुबाट प्रहरीले नाइट्रोजेपाम १ हजार २ सय ट्याब्लेट, डाइजेपाम १ सय ३५ एम्पुल, फेनरागन १ सय ३४ एम्पुल, नुर्फिन १ सय एम्पुल र ब्राण्ड तथा जेनरिक नाम उल्लेख नभएको १ सय ३० एम्पुल पक्राउ गरेको हो ।
पक्राउ पर्नेहरुमा सप्तरी जयपुर गाउँपालिका-२ का ३५ वर्षीय वीरेन्द्र कुमार साह, सिरहा लहान नगरपालिका-१३ घर भई हाल काठमाडौं बस्ने २४ वर्षीय अमर यादब र सोही नगरपालिका-२३ का २४ वर्षीय ईन्द्रजित सहनी रहेका छन् । राजबिराजबाट काठमाडौंतर्फ आउँदै गरेको ना.८ ख ६४९७ नम्बरको बसमा महानगरीय प्रहरी बृत्त थानकोट र महानगरीय प्रहरी प्रभाग नागढुंगाको प्रहरीले जाँच गर्ने क्रममा क्यावीनमा बोराभित्र लुकाई ल्याएको उक्त लागूऔषध फेला परेको थियो ।
वि.सं.२०७७ कात्तिक ९ आइतवार ११:१७ मा प्रकाशित
