हामी सबैकाे संसारन्यूज

१५ कात्तिक, काठमाडौं । नेपाल कम्युनिष्ट पार्टी नेकपाका अध्यक्ष पुष्पकमल दाहालले अर्का अध्यक्ष केपी ओलीलाई भेटेर सचिवालयको बैठक तत्काल बोलाउन माग गरेका छन् ।

शनिबार बालुवाटारस्थित प्रधानमन्त्री निवासमा भएको अध्यक्षद्धयको भेटवार्तामा अध्यक्ष दाहालले तत्काल सचिवालयको बैठक बलाउन माग गरेको बताइएको छ ।
बैठक कहिले बस्ने भन्ने मिति तय नभए पनि अध्यक्ष ओली बैठकका लागि सकारात्मक रहेको बताइएको छ ।

अध्यक्षद्धयको दुईसातापछिको उक्त भेटका क्रममा पछिल्लो समसामयिक विषयहरु कोरोना महामारी र सरकारको भूमिका, र,अ का प्रमुख सामन्त कुमार गोयलको नेपाल भ्रमण, कर्णाली विवाद, मुकेश कुमार चौरसिया घटनालगायतका विषयमा छलफल भएको बताइएको छ ।