हामी सबैकाे संसारन्यूज

१५ कार्तिक, काठमाडौं । ‘कम्युनिस्ट आन्दोलन र भाबी कार्यदिशा’ शिर्षकमा नेपालका माक्र्सवादी बुद्धिजीवी र कम्युनिष्ट पार्टीका लिडरहरु बिच जूम अन्तरक्रिया सम्पन्न भएको छ ।

माक्र्सवादी एकता अभियानको आयोजनामा सम्पन्न भएको शनिबार जुममार्फत् गरिएको उक्त अन्तरक्रियामा माक्र्सवादी बुद्धिजीवीहरु श्याम श्रेष्ठ र एकराज भण्डारीले मन्तव्य ब्यक्त गरेका थिए भने पार्टीहरुको तर्फबाट बैज्ञानिक समाजबादीबाट आहुती, राष्ट्रिय जागरण मंचबाट गुणराज लोहनी, बोल्सेबिकबाट रबिन्द्र श्रेष्ठ, नेकपाबाट लोक नारायण सुवेदी, नेकपा मालेबाट सि पि मैनाली र माओवादी क्रान्तिकारीबाट सि पि गजुरेल गौरब रहेका थिए ।

अन्तरक्रिया कार्यक्रममा प्राय सबै बक्ताहरुले राष्ट्रियता र कम्युनिस्ट आन्दोलन दुबै खतरामा रहेको बताउँदै तथापी महान अबसरहरु पनि रहेको बताएका थिए । संसदीय ब्यबस्था नमान्ने सबै कम्युनिस्टहरु एक ठाउँमा आउनुपर्ने, अन्य देशभक्त, बामपंथीहरुसँग पनि मोर्चा निर्माण गर्नुपर्ने, पार्टी प्रतिबन्ध खारेज हुनुपर्ने, सरकार तथा नेकपामा भएका इमानदार कार्यकर्ता र नेताले पनि बिद्रोह गर्नुपर्ने, राष्ट्रघात र कमिसनखोरी बिरुद्ध खडा भएको २१ दलिय मोर्चालाई झनै विकसित र मजबुत बनाउदै लानुपर्ने लगायतका विषयमा आफ्ना विचार राखेका थिए ।

कार्यक्रमको शुरुमा प्रा. ओम गुरुङले सबैलाई स्वागत गरेका थिए भने प्रा रमेश अधिकारीले अबधारणा प्रस्तुत गरेका थिए ।
माक्र्सवादी एकता अभियानको आयोजनामा सम्पन्न भएको उक्त कार्यक्रमको अध्यक्षता प्रा डा शम्भु कट्टेलले गरेका थिए भने उद्घोषण महादीप पोखरेलको थियो ।