हामी सबैकाे संसारन्यूज

१६ कात्तिक,काठमाडौं । त्रिभुवन विश्वविद्यालयले आफ्ना कर्मचारीसँग पिसिआर रिपोर्ट माग गरेको छ । त्रिवि रेक्टर कार्यालयअन्तर्गत अनुसन्धान निर्देशनालयले हाजिर गर्नु पहिले कोरोना नेगेटिभ आएको रिपोर्ट देखाउन भनेको हो ।

निर्देशनालयले आइतबार पिसिआर परीक्षणको रिपोर्ट भएकालाई मात्रै हाजीर गराएको थियाे । रिपोर्ट नभएकै कारण कतिपय कर्मचारी फिर्तासमेत भएका थिए ।

अनुसन्धान निर्देशनालयले भने कोरोना देखिएका कर्मचारीको मात्रै रिपोर्ट माग गरेको दाबी गरेको छ । निर्देशनालयले अन्य कर्मचारीलाई सुरक्षित राख्न यस्तो गरिएको दाबी गरेको छ ।

कोरोना रिपोर्टका विषयमा स्वास्थ्य मन्त्रालयले भने यसअघि नै रिपोर्ट मागेर कर्मचारीलाई दुःख नदिन अपिल गरेको थियो । मन्त्रालयका प्रवक्ताले रिपोर्ट मागेर दुःख दिएको भेटिए कारबाही हुने प्रष्ट्याएका थिए ।