Sansar News
१६ कात्तिक, काठमाडौं । पछिल्लो २४ घण्टामा देशैभरी ३६२० जना कोरोना संक्रमित निको भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ३६२० जना संक्रमणबाट मुक्त भएर डिस्चार्ज भएका हुन् ।
आज निको भएका ३६२० जनासँगै नेपालमा कोरोना संक्रमणबाट मुक्त हुनेको संख्या १ लाख ३४ हजार ८४२ पुगेको छ । मन्त्रालयका अनुसार कूल संक्रमित मध्ये निको हुनेको यो दर ७७.७ प्रतिशत हो ।
कुन प्रदेशमा कति निको भए त ?
मन्त्रालयका अनुसार प्रदेश १ मा १३,३०८, प्रदेश २ मा १७०१८, बागमती प्रदेशमा ६७,६५४, गण्डकी प्रदेशमा ६,६०१ लुम्बिनी प्रदेशमा १६,१६८, कर्णाली प्रदेशमा ७,१०९ र सुदूरपश्चिम प्रदेशमा ८,९८४ जना गरी १ लाख ३४ हजार ८४२ जना निको भएका छन् ।
वि.सं.२०७७ कात्तिक १६ आइतवार १७:१२ मा प्रकाशित
