Sansar News
१७ कार्तिक, काठमाडौं । मकवानपुरमा ११ वर्षीया बालिकालाई जबरजस्ती करणी गरेको अभियोगमा एक व्यक्ति पक्राउ परेका छन् । गढी गाउँपालिका-७ सुकौरा पोलदमार बस्ने ६० वर्षीय रन बहादुर स्याङतानलाई आइतबार दिउँसो प्रहरीले पक्राउ गरेको छ ।
उनले ती बालिकालाई कात्तिक १२ गते जबरजस्ती करणी गरेको भन्ने सुचनाको आधारमा जिल्ला प्रहरी कार्यालय मकवानपुरबाट खटिएको प्रहरीले उनलाई पक्राउ गरेको हो ।
त्यस्तै १६ वर्षीया किशोरीलाई जबरजस्ती करणी गरेको अभियोगमा त्रियुगा नगरपालिका-१४ धापखर्क बस्ने २१ वर्षीय अशोक भन्ने एक बहादुर मगरलाई आइतबार दिउँसो प्रहरीले पक्राउ गरेको छ । मगरले ती किशोरीलाई जबरजस्ती करणी गरेको सुचनाको आधारमा जिल्ला प्रहरी कार्यालय उदयपुरबाट खटिएको प्रहरीले उनलाई पक्राउ गरेको हो ।
वि.सं.२०७७ कात्तिक १७ सोमवार १७:४१ मा प्रकाशित
