हामी सबैकाे संसारन्यूज

१३ कार्तिक, काठमाडौँ । प्लेअफमा प्रवेश गर्नको लागि आफ्नो अन्तिम खेलमा पनि जित्नै पर्ने दबाबमा रहेको सनराइजर्स हैदरावादले आज मुम्बई इन्डियन्सको सामना गदैँ छ । मुम्बई इन्डियन्स भने प्लेअफमा प्रवेश गरिसकेको छ । यी दुई टिम बिच यस अघि भएको खेलमा मुम्बईले हैदरावादलाई ३५ रनले पराजित गरेको थियो ।

यदी आजको खेलमा हैदरावाद विजयी भएमा कोलकत्ता नेट रन रेटका आधारमा प्लेअफबाट बाहिरिने छ र हैदरावाद प्लेअफमा प्रवेश गर्ने छ । यदी हैदरावाद पराजित भएमा कोलकत्ता नाईट राइडर्स १४ अकं सहित सिधैँ प्लेअफमा प्रवेश गर्ने छ । प्लेअफमा प्रवेश गरिसकेको मुम्बईले आज आफ्ना केही महत्त्वपूर्ण खेलाडीहरु बिस्राम दिन सक्छ ।

खेल नेपाली समय अनुसार ७:४५ बाट सुरु हुनेछ ।

मुम्बईको सम्भावित प्लेइङ्ग इलेवन:
इशान किसन, क्रिस लिन, सुर्यकुमार यादव, सौरभ तिवारी,  हार्दिक पांड्या, कुणाल पांड्या, काइरन पोलार्ड,जेम्स प्यापिटनसन, राहुल चाहर, मिचल म्याक्लेनाघन, दवल कुलकर्णी ।

हैदरावादको सम्भावित प्लेइङ्ग इलेवन:
डेविड वार्नर, रिद्धिमान साहा, मनिष पाण्डे, केन विलियमसन, अभिषेक शर्मा, अब्दुल समद, जेसन होल्डर, रासिद शान, सन्दिप शर्मा, शाहबाज नदीम, टि नटराजन ।