Sansar News
१८ कार्तिक, काठमाडौं । प्रतिनिधिसभाका सभामुख अग्निप्रसाद सापकोटाले प्रतिनिधिसभाका सदस्य सूर्यबहादुर केसीको निधनप्रति दुःख व्यक्त गरेका छन् । सभामुख सापकोटाले आज सामाजिक सञ्जाल ट्वीटरमार्फत दिवङ्गत सांसद केसीप्रति श्रद्धाञ्जलि अर्पण गरेका हुन्। उनले शोक सन्तप्त परिवारजन तथा आफन्तमा गहिरो समवेदना व्यक्त गरेका छन् ।
सांसद केसीको सोमबार राति ६५ वर्षको उमेरमा निधन भएको हो । राजनीतिज्ञ तथा सफल व्यवसायीको छवि बनाएका केसीकै पहलमा दक्षिण एशियामा नै पहिलोपटक चाउचाउ उद्योग स्थापना भएको थियो । रासस
वि.सं.२०७७ कात्तिक १८ मंगलवार २०:०३ मा प्रकाशित
