हामी सबैकाे संसारन्यूज

भोजपुर । भोजपुरमा एक युवामाथि खुकुरी प्रहार भएको छ ।
पौवादुङ्मा गाउँपालिका वडा नम्बर ३ च्याङ्ग्रेमा बुधबार राति स्थानीय २७ वर्षीय धनकुमार राईमाथि खुकुरी प्रहार भएको हो । उनलाई सोही स्थानका ६० वर्षीय गणेशबहादुर राईले खुकुरी प्रहार गरी गम्भीर घाइते बनाएका हुन् ।

दुई पक्षबिच भएको सामान्य विवाद झैझगडामा परिणत हुँदा यो घटना घटेको हो। खुकुरी प्रहारबाट घाइते धनकुमारको घाँटीको पछाडिको भागमा गहिरो चोट लागेको छ। उनलाई थप उपचारका लागि धरान पठाइएको छ।
घटनापछि प्रहरीले खुकुरीसहित ६० वर्षीय गणेशबहादुर राईलाई नियन्त्रणमा लिएको छ। प्रहरीले घटनाका सम्बन्धमा थप अनुसन्धान भइरहेको जनाएको छ।