Sansar News
२० कात्तिक, कावासोती । कालिगण्डकी करिडोरको नवलपुर खण्डमा सुख्खा पहिरो जाँदा काम गरिरहेका पाँज जना मजदुरको परिएर मृत्यु भएको छ ।
नवलपुरको वुलिङटार गाउँपालिका ३ को खसुवामा कालि गण्डकी करिडोरको बाटोमा जाली भर्ने क्रममा अचानक माथिबाट खसेको सुख्खा पहिरोले पुरिएर पाँच मजदुरको मृत्यु भएको जिल्ला प्रहरी कार्यालय नवलपुरले जनाएको छ । मृत्यु भएका पाँचैजना र घाईते दुईजना बुलिङटार गाउँपालिका ४ का हुन् ।
पुरिएर घाईते भएका बुलिङटार ४ का १९ वर्षीय केवल सिंह र २१ वर्षीय कृष्ण सिंहको भरतपुर अस्पतालमा उपचार भइरहेको छ ।
जिल्ला प्रहरी कार्यालय नवलपुरले संसारन्युजलाई दिएको जानकारी अनुसार बुधबार साँझ ५ बजे खसेको सुख्खा पहिरोमा पुरिएर मृत्यु हुनेमा बुलिङटार ४ का २० वर्षीय गोपाल गरञ्जा, ४३ वर्षीय सुन बहादुर पुलामी, २० वर्षीय तारा बहादुर लुङ्गेली र २० चेत बहादुर अस्लामी तथा २९ वर्षीय तुल बहादुर सारुको घटनास्थलमै मृत्यु भएको हो । file photo
वि.सं.२०७७ कात्तिक २० बिहीवार ०८:२० मा प्रकाशित
