Sansar News
काठमाडौं । सत्तारुढ नेकपाका कार्यकारी अध्यक्ष पुष्पकमल दाहाल ‘प्रचण्ड’ले सचिवालय बैठक डाकेका छन् । उनले अर्का अध्यक्ष एंव प्रधानमन्त्री केपी शर्मा ओलीसँग सहमती हुन नसकेपछि एकल रुपमा बैठक डाकेका हुन् ।
प्रचण्डका प्रेस सल्लाहकार विष्णु सापकोटा ‘जुगल’का पार्टी सचिवालय बैठक पार्टी कार्यालय धुम्बाराहीमा दिउसो ३ बजेदेखि बस्नेछ ।
प्रचण्डले बोलाएको बैठकमा गृहमन्त्रीसमेत रहेका नेता रामबहादुर थापा ‘बादल’ भने नजाने भएका छन् । अर्का अध्यक्ष प्रधानमन्त्री ओली समुहका नेताहरु सहभागी नहुने भएसँगै उनले पनि नजाने निर्णय गरेका हुन् ।
पछिल्लो समय बादल ओली निकट देखिदैं आएका छन् । उनी प्रचण्डले बोलाउने बैठकहरुमा पनि सहभागी हुन छाडेका छन् ।
जनाइएअनुसार ओलीसहित उनीनिकट मानिने नेताहरु ईश्वर पोखरेल र महासचिव विष्णु पौडेल पनि सहभागी हुनेछैनन् ।
वि.सं.२०७७ कात्तिक २१ शुक्रवार १४:१३ मा प्रकाशित
