हामी सबैकाे संसारन्यूज

काठमाडौं । नेपाल कम्युनिष्ट पार्टीका नेता तथा पुर्व सुचना तथा सञ्चार मन्त्री गोकुल बास्कोटाले देशलाई संघियता खाँचो नभएको तर तत्कालिन द्वन्द व्यवस्थापनको लागि मान्दिनुपरेको बताएका छन् ।

सामाजिक सञ्जाल फेसबुकमा स्टाटस लेख्दै पुर्व मन्त्री बास्कोटाले ‘द्वन्द व्यवस्थापनको लागि मान्दिनु परेको न हो देशलाई खाँचो त थिएन संघियता’ भनेका छन् ।

सरकारले संघिय लोकतान्त्रिक गणतन्त्र नेपालको ठाउँमा नेपाल मात्रै लेख्ने परिपत्र जारी गरेको विषयलाई लिएर भइरहेको विरोधको अर्थ नरहेको औंल्याउदै पुर्वमन्त्री बास्कोटाले लेखेका छन्,  ‘संघिय गणतन्त्र राजनीतिक व्यवस्था अनि नेपाल देशको नाम । देशको नाम । यसमा चाहिँ के प्रतिगमन भएछ हँ ? प्रदेशहरु खारेज भएको त छैन । द्वन्द व्यवस्थापनको लागि मान्दिनु परेको न हो देशलाई खाँचो त थिएन संघियता । लफडा झिक्न परेपछि हावामै शत्रु ढाल्न तलवार घुमाउने भएछन् । कमरेडका दुखः पनि कहिल्यै नसकिने के !’