हामी सबैकाे संसारन्यूज

२२ कार्तिक, काठमाडौँ । अखिल नेपाल शिक्षक संगठन लुम्बिनी प्रदेशका अध्यक्ष मदन शर्माको कोरोनाका कारण निधन भएको छ ।

शनिबार बिहान ५.४० बजे नेपालगञ्ज भेरि अस्पतालमा उपचारकै क्रममा ५८ वर्षिय शर्माको मृत्यु भएको जनाइएको छ ।

एकीकृत अखिल नेपाल शिक्षक संगठन केन्द्रीय समितिका अध्यक्ष शंकर अधिकारीले संगठनको एक अभिभावक मदन शर्माको दुखद् निधनको खबरले सिङ्गो संगठनलाई स्तव्ध बनाएको बताएका छन् ।

तत्कालीन अखिल नेपाल शिक्षक संगठनका सस्थापक अभिभावक, नेपाल राष्ट्रिय शिक्षक संगठन केन्द्रीय समितिका पूर्व सदस्य र एकीकृत अखिल नेपाल शिक्षक संगठन केन्द्रीय समिति सचिव समेत रहेका उनी शिक्षकका नेता मात्र हैन राजनीतिक अभिभावक रहेको उनले बताएका छन् ।

निष्ठा, इमान्दारिता र समर्पणको असल उदाहरण, शैक्षिक जागरणको अगुवा र राजनैतिक आन्दोलनको सतिसाल भन्दै उनले शर्माप्रति एकीकृत अखिल नेपाल शिक्षक संगठन केन्द्रीय समितिका साथै सिङ्गो संगठनको तर्फबाट भावपुर्ण श्रद्दाञ्जलिसहित शोक सन्तप्त परिवारजनमा हार्दिक समवेदना व्यक्त गरेका छन् ।

यसैगरी पूर्वमन्त्री तथा संघीय संसद रेखा शर्माले ‘अखिल नेपाल शिक्षक संगठन लुम्बिनी प्रदेशका अध्यक्ष मदन सरको कोबिडका कारण निधन भएको खबर सुन्दा अत्यन्त दुःखित रहेको’ बताएकी छन् ।