Sansar News
२२ कार्तिक, काठमाडौँ । नेपाल उद्योग वाणिज्य महासंघको ५४ औं वार्षिक साधारण सभा आगामी मंसिर मंसिर ११ –१३ मा सम्पन्न हुँदैछ । साधारणसभाले नयाँ कार्यकारिणी समितिको समेत चयन गर्ने हुँदा सबैको ध्यान तानिएको छ ।
१ वरिष्ठ उपाध्यक्ष, ३ उपाध्यक्षसहित ६० सदस्य कार्यसमिति कार्यसमितिले चयन गर्नेछ । वरिष्ठ उपाध्यक्षका लागि किशोरकुमार प्रधान र चन्द्र ढकाल प्रतिस्पर्धा गर्दैछन् । प्रधान र ढकाल कार्यसमितिका लागि प्यानलसहित प्रस्तुत हुँदैछन् । वरिष्ठ उपाध्यक्ष स्वतः अध्यक्ष हुने महासंघको विधानमा व्यवस्था रहेको हुँदा यतिबेला वरिष्ठ उपाध्यक्षमा को निर्वाचित होला ? भन्ने सबैको ध्यान केन्द्रीत भएको छ ।
निर्वाचन विश्वभर फैलिएको कोभिड १९ को महामारी नियन्त्रणका लागि नेपाल सरकारले जारी गरेको लकडाउन एवं निषेधाज्ञाका कारणबाट स्थगित हुन गएकोमा स्वास्थ्य तथा सुरक्षा सम्बन्धी मापदण्ड पालना गर्ने गरी गृह मन्त्रालयबाट स्वीकृति प्राप्त गरी महासंघको कार्यकारिणी समितिले साधारणसभा तथा निर्वाचन सम्पन्न गर्ने जनाइएको छ ।
उपेन्द्र केशरी न्यौपाने मुख्य निर्वाचन अधिकृत र रमण कुमार कर्ण तथा लिलामणि पौडेल निर्वाचन अधिकृत रहेको निर्वाचन समितिले निर्वाचन कार्यक्रम सम्वन्धी कार्यतालिका सार्वजनिक गरेको छ ।
यस्तो छ, निर्वाचन समितिले सार्वजनिक गरेको निर्वाचन तालिका :
वि.सं.२०७७ कात्तिक २२ शनिवार १६:५० मा प्रकाशित
