Sansar News
२३ कार्तिक । जो बाइडेन अबको केहि समय भित्र अमेरीकाको ४६ औैं राष्ट्रपति घोषित हुँदै छन् ।
२९ वर्षको उमेरमा अर्थात् सन् १९७२ मा डेलवेरबाट सिनेटर निर्वाचित भएका तत्कालीन अमेरिकी सिनेटका कान्छा सदस्य बाइडेनलाई अमेरीकी राजनीतिको शिर्ष तहमा पुग्न ४८ वर्ष लागेको छ ।
यो अर्को संयोग हो की उनले सन् २०२१ को जनवरीमा राष्ट्रपतिको सपथ लिँदा उनि त्यतिबेला ७८ वर्ष पुगिसक्ने छन् अर्थात् अमेरिकी इतिहासमा पाको उमेरमा राष्ट्रपति निर्वाचित हुने कुरामा पनि उनले रेकर्ड ब्रेक गरेका छन् ।
न्युयोर्क टाइम्सले जनाएअनुसार नेपाली समय बिहान ७ बजेसम्म उनले २७९ इलेक्टोरल मत पाएका छन् । पर्यवेक्षकहरुका अनुसार उनले २९५ देखी ३०५ मत पाउने सम्भावना रहेको छ । पाउनुपर्ने मत काटिसकेकाले उनको पक्षमा खुशियाली बढाइएको छ । यद्दपी आधिकारीक घोषणा भने निर्वाचनको समग्र परीणाम प्राप्ति पछि नै हुनेछ ।
वि.सं.२०७७ कात्तिक २३ आइतवार ०७:४६ मा प्रकाशित
