हामी सबैकाे संसारन्यूज

२३ कात्तिक, काठमाडौं। कुमारी बैंकले गत आर्थिक वर्ष २०७६/७७ को लागि प्रस्ताव गरेको लाभांश संशोधन गरेको छ ।

बैंकले गत आर्थिक वर्षको मुनाफा तथा प्राप्ति गर्दा कायम रहेको पूँजीगत जगेडा कोषको रकम समेतबाट हाल कायम चुक्ता पूँजीको १०.८५ प्रतिशत बोनस शेयर र ३.१५ प्रतिशत नगद लाभांश गरी कुल १४ प्रतिशत लाभांश वितरण गर्ने भएको छ।बैंकको कात्तिक ५ गतेको सञ्चालक समितिको बैठकले १० प्रतिशत बोनस शेयर र ४ प्रतिशत नगद लाभांश दिने प्रस्ताव गरेको थियो ।

नेपाल राष्ट्र बैंकले उक्त लाभांश संशोधनका लागि निर्देशन दिएसँगै बैंकले १० दशमलव ८५ प्रतिशत बोनस शेयर र ३ दशमलव १५ प्रतिशत नगद लाभांश दिने निर्णय गरेको हो । प्रस्तावित लाभांश नेपाल राष्ट्र बैंक तथा बैंकको आगामी वार्षिक साधारण सभाले पारित गरेपश्चात शेयरधनीहरुलाई वितरण गरिनेछ।