Sansar News
काठमाडौं । सत्तारुढ नेपाल कम्युनिष्ट पार्टी (नेकपा)भित्र देखिएको विवादबारे प्रधानमन्त्रीसमेत रहेका अध्यक्ष केपी शर्मा ओलीले पार्टी वरिष्ठ नेता माधवकुमार नेपालसहितका नेतासँग छलफल थालेका छन् । नेकपा स्रोतका अनुसार केहि बेरदेखि प्रधानमन्त्री निवास बालुवाटारमा छलफल जारी छ ।
बालुवाटारको छलफलमा नेता नेपालसहित स्थायी कमिटी सदस्य भीम रावल, सुरेन्द्र पाण्डेललगायत छन् ।
यसअघि शनिबार मात्रै पार्टीका कार्यकारी अध्यक्ष पुष्पकमल दाहाल ‘प्रचण्ड’सहित ५ सचिवालय सदस्यले सचिवालय बैठक बोलाउन ओलीलाई लिखित आग्रह गरेका थिए । लिखित आग्रह गरेको भोली पल्ट नै ओलीले नेता नेपाल समुहलाई बोलाएर छलफल थालेका हुन् ।
सचिवालय बैठकको माग उठिरहेको बेला ओलीले माधव नेपाल पक्षसँग गरेको छलफललाई अर्थपूर्णं रुपमा हेरिएको छ । नेपाल समुह पछिल्लो समय ओलीविरुद्व छ ।
वि.सं.२०७७ कात्तिक २३ आइतवार १५:०२ मा प्रकाशित
