Sansar News
२३ कात्तिक, काठमाडौँ । जिल्ला नुवाकोट, बेलकोटगढी नगरपालिकामा कार्यरत इन्जिनियर (करार) पर्वत पौडेल र व्यवसायी नारायणप्रसाद भट्ट ७५ हजार घुस सहित पक्राउ परेका छन् ।
जिल्ला नुवाकोट, बेलकोटगढी नगरपालिकामा कार्यरत इन्जिनियर पौडेलले घर निर्माण सम्पन्नको प्रमाण–पत्र दिने प्रयोजनको लागि सेवाग्राहीसँग घुस माग गरिरहेको भन्ने सूचना एवं उजुरीका आधारमा अख्तियार दुरुपयोग अनुसन्धान आयोग टोलीद्धारा निज पौडेलले सेवाग्राहीसँग उक्त रकम माग गरी होटल व्यवसाय गर्ने भट्टलाई लिन लगाई निज भट्टले उक्त घुस लिइसकेको अवस्थामा पक्राउ गरेको हो ।
पक्राउ परेका निज पौडेल र भट्ट माथि थप अनुसन्धान भइरहेको अख्तियारले जनाएको छ ।
वि.सं.२०७७ कात्तिक २३ आइतवार १४:४८ मा प्रकाशित
