हामी सबैकाे संसारन्यूज

२४ कात्तिक, मुगु । बलत्कार बिरुद्ध यहाँका किशोरीले शनिबार गमगढीमा शान्तिपूर्ण प्रर्दशन गरेका छन् ।

‘स्टप रेप, अझै कहिले सम्म सहने’ भन्ने प्लेकार्ड सहित कालो पोशाक अनि कालै माक्स लगाएर एक दर्जन किशोरीले गमगढी बजारमा शान्तिपूर्ण प्रर्दशन गरेका हुन् ।

उक्त प्रर्दशनमा युवाहरुले पनि ऐक्यबद्धता जनाएका थिए । दुर्गम जिल्ला मुगुमा पनि बलत्कारका घटनाबिरुद्ध कालो पोशाक लगाएर प्रर्दशन गर्नु परेको किशोरी सोनी शाही ठकुरीको भनाई छ । ‘हामी किशोरी कहिले सम्म असुरक्षित रहेर बस्ने ? सोनीले प्रश्न गरिन् ।

राज्यले बलत्कारका घटना रोक्न नसकेको शाहीको आरोप छ । महिला हिंसा तथा बलात्कारका घटना न्यूनिकरणको लागि प्रहरी सक्रिय भएपनि अझै न्यून हुन नसकेको किशोरीको आरोप छ ।

मुगुमा बलत्कारका घटना न्यूनिकरणको लागि जनचेतना अभियान आबश्यक देखिएको युवा राजेन्द्र शाहीको भनाई छ ।