हामी सबैकाे संसारन्यूज

२४ कात्तिक, काठमाडौं । एभरेष्ट बैंक लिमिटेको कोभिडका कारण ऋणीले व्याज भुक्तानी नगर्दा नाफामा गिरावट आएको छ। चालु आर्थिक वर्ष २०७७/७८ को पहिलो त्रैमासको अपरिष्कृत वित्तीय विवरण अनुसार बैंकको नाफा गत वर्षको तुलनामा ५१.५४ प्रतिशतले घटेको हो।

बैंकले चालु वर्ष असोजसम्म ३३ करोड ४७ लाख ६४ हजार नाफा गरेको छ। गत आव २०७६/७७ को सोही अवधिमा ६९ करोड ८ लाख ६८ हजार नाफा गरेको थियो । बैंकको खुद ब्याज आम्दानीसँगै संचालन आम्दानी पनि घटेपछि नाफा घट्न पुगेको हो। यस अवधिको तीन महिनासम्म बैंकको वितरणयोग्य मुनाफा १३ करोड ५९ लाख ७७ हजार रुपैयाँ छ।

यस अवधिमा बैंकको कर्जा लगानी तथा निक्षेप संकलनमा उल्लेख्य सुधार आइसकेको छ। यसकारण बैंकको खुद ब्याज आम्दानी २८ प्रतिशत र संचालन आम्दानी ५१.५४ प्रतिशत घटेको बैंकले जनाएको छ।

गत आवमा ०.१७ प्रतिशत रहेको खराब कर्जा यस अवधिमा बढेर ०.२२ प्रतिशत पुगेको छ। बैंकको खराव कर्जा ०.१७ प्रतिशतबाट बढेर ०.२२ प्रतिशत पुगेको छ।