Sansar News
२६ कात्तिक, काठमाडौं । सूर्या लाइफ इन्स्योरेन्सले सेयर लगानीकर्तालाई १०.५२६ प्रतिशत लाभांश दिने प्रस्ताव गरेको छ ।
यस कम्पनीले आर्थिक वर्ष २०७५/७६ को नाफाबाट उक्त लाभांश दिने प्रस्ताव गरेको हो । संस्थाले नगद लाभांश ५.५२६ प्रतिशत र ५ प्रतिशत बोनस लाभांश दिने प्रस्ताव गरेको छ ।
उक्त लाभांश दिनको लागि संस्थाले बीमा समितिमा स्वीकृतिको लागि निवेदन पेश गरेको छ । प्रस्तावित लाभांश बीमा समितिको स्वीकृतिपछि आगामी वार्षिक साधारणसभाबाट अनुमोदन गरी लगानीकर्ताले पाउने कम्पनीले जनाएको छ।
वि.सं.२०७७ कात्तिक २६ बुधवार १२:२० मा प्रकाशित
