Sansar News
२७ कार्तिक, काठमाडौं । काठमाडौंबाट ९ नोभेम्बरको उडानमार्फत् हङकङ पुगेका यात्रुमा कोरोना भाइरस पोजेटिभ देखिएको छ । उक्त घटना पश्चात हङकङ सिभिल यभिएसनले नेपाल एयरलाइन्सलाइ २५ नोभेम्बरसम्मका लागि यात्रु उडानमा प्रतिवन्ध लगाएको छ ।
नेपाल एयरलाइन्सले २५ नोभेम्बरसम्म हङकङमा उडान भर्न नपाउदा १६ र २३ नोभेम्बरमा हुने उडान रद्ध भएको छ ।
एयरलाइन्सले टिकट लिईसकेका यात्रुहरुलाई प्राधिकरणमा सम्पर्क गरि अर्को उडान मितिको लागि टिकट लिन र हङकङका यात्रुहरुले हङकङ स्थित कार्यलयमा सम्पर्क गर्न भनि सुचना प्रकाशित गरेको छ ।
नेपाल एयरलाइन्स हङकङमा प्रतिवन्धमा परेको यो तेस्रोपटक हो । यसअघि कम्पनीले नेपालमा हुने पीसीआर परीक्षणमा प्रश्न उठाएको थियो ।
वि.सं.२०७७ कात्तिक २७ बिहीवार १७:२० मा प्रकाशित
