हामी सबैकाे संसारन्यूज

२८ कात्तिक, काठमाडौं । एनएमबी बैंक लिमिटेडले चालु आर्थिक वर्षको प्रथम त्रैमासमा ७३ करोड २९ लाख रुपैयाँ खुद नाफा आर्जन गरेको छ।

बैंकले सार्वजनिक गरेको चालु आर्थिक वर्षको पहिलो त्रैमासको अपरिष्कृत वित्तीय विवरण अनुसार चालु आर्थिक वर्षको पहिलो त्रैमासको अन्त्यसम्ममा बैंकले ७३ करोड २९ लाख ७० हजार रुपैयाँ खुद नाफा कमाएको छ ।

गत आर्थिक वर्षको सोही अवधिको तुलनामा ४६ करोड ११ लाख रुपैयाँ अर्थात १६९.६२ प्रतिशत बढी हो। गत आर्थिक वर्षको सोही अवधिसम्ममा बैंकले २७ करोड १८ लाख रुपैयाँ खुद नाफा कमाएको थियो। बैंकको खुद ब्याज आम्दानी बढेसँगै इम्पेरिमेन्ट चार्ज घटेका कारण खुद नाफा बढ्न पुगेको हो। सो अवधिसम्ममा बैंकको वितरण योग्य मुनाफा ५१ करोड ९१ लाख ५ हजार रुपैयाँ रहेको छ।

बैंकको समीक्षा अवधिमा खुद ब्याज आम्दानी १३ करोड ३५ लाख रुपैयाँ बढेर १ अर्ब ३५ करोड ७१ लाख रुपैयाँ पुगेको छ। त्यसैगरी, बैंकको सञ्चालन मुनाफा समीक्षा अवधिमा ६४ करोड ८३ लाख रुपैयाँ बढेर १ अर्ब ५ करोड ४० लाख रुपैयाँ पुगेको छ।

बैंकको १४ अर्ब ४४ करोड ७७ लाख रुपैयाँ चुक्ता पूँजी रहेको यस बैंकको जगेडा कोषमा ५ अर्ब ३५ करोड ७७ लाख रुपैयाँ र रिटेन्ड अर्निङ्गमा २ अर्ब ३४ करोड ५२ लाख रुपैयाँ सञ्चित छ।