हामी सबैकाे संसारन्यूज

२८ कार्तिक, काठमाडौँ । २०२० को आईपिएल केहि दिन अगाडी समाप्त भएको थियो । दिल्लीलाई फाइनलमा पराजित गदैँ मुम्बइले पाँचौँ पटक आईपिएलको उपाधि आफ्नो नाममा गरेको थियो ।

२०२० को आईपिएल समाप्त भएसँगै बिसीसीआई र आईपिएलका ८ टिमले २०२१ को आईपिएलका लागि तयारी सुरु गरिसकेका छन । २०२१ को आईपिएल सुरु हुनु अघि बिसीसीआईले मेगा अक्सन गर्ने तयारी गरिरहेको बिसीसीआईका अधिकारीहरुले जनाएका छन । २०२१ को आईपिएलको मेगा अक्सनको बारेमा बिसीसीआई दुई हप्ता भित्रमै निणर्य लिने बताईएको छ ।

बिसीसीआईले आईपिएलको मेगा अक्सन २०२१ को जनवरी-फेब्रुअरीकाे बिचमा गर्ने र मार्च अन्तिममा आईपिएलको नयाँ सिजन सुरु गर्ने योजना बनाईरहेको बिसीसीआईका अधिकारीहरुले बताएका छन ।

बिसीसीआईले अब आउने आईपिएलमा टिमको संख्या पनि बढाउने भएको छ । अहमदावादलाई आईपिएलमा नवौँ टिमका रुपमा प्रतियोगितामा प्रवेश गराउने योजनामा बिसीसीआई रहेको छ ।