हामी सबैकाे संसारन्यूज

५ मंसिर, काठमाडौँ । गृहमन्त्रालयले नेपाल प्रहरीका ३३ प्रहरी वरिष्ठ उपरीक्षक (एसएसपी) को सरुवा गरेको छ ।
प्रहरी प्रधान कार्यालयका अनुसार काठमाडौं प्रहरी प्रमुखमा एसएसपी अशोक सिंह र ललितपुर प्रहरी प्रमुखमा किरण बज्राचार्यलाई सरुवा गरि ल्याइएको छ ।

प्रहरी प्रधान कार्यालय अपराध अनुसन्धान विभाग अपराध नियन्त्रण महाशाखा नक्साल, काठमाडौँमा रहेका सिंहलाई महानगरीय प्रहरी परिसर काठमाडौँमा ल्याइएको छ भने महानगरीय प्रहरी परिसरमा रहेका श्यामलाल ज्ञवालीलाई प्रहरी प्रधान कार्यालय, अपराध अनुसन्धान विभाग, अपराध नियन्त्रण महाशाखामा सरुवा गरिएको छ ।

त्यस्तै महानगरीय प्रहरी परिसर ललितपुरमा किरण बज्राचार्यलाई ल्याइएको छ । यसअघि उनी महानगरीय प्रहरी कार्यालय रानीपोखरी काठमाडौँमा थिए ।

यस्तै महानगरीय ट्राफिक प्रहरी शाखाको प्रमुखमा जनक भट्टराई सरुवा भएका छन् ।

हेर्नुस् थप को कहाँ ? :