हामी सबैकाे संसारन्यूज

५ मंसिर, काठमाडौं। नशालु पदार्थ खुवाई भारतको उत्तराखण्डको ऋषिकेशमा एक नेपालीलाई लुटिएको छ । सुर्खेत घर भएका ४१ वर्षीय तीर्थबहादुर सारु मगरलाई चिसो पेय पदार्थमा नशालु वस्तु खुवाई अपरिचित व्यक्तिले भारतीय रुपियाँ ८५ हजार लुटेर लगेका हुन् ।

भारतको रुदप्रयागमा दुई महिनाअघि मजदूरी गर्न गएका मगरलाई घर फर्कने क्रममा ऋषिकेशमा पुगेका बेला लुटिएपछि आज नेपालीको सहयोगमा गड्डाचौकी ल्याइएको छ । उनलाई सशस्त्र प्रहरीले अहिले आफ्नो चौकिमानै राखेको छ । प्रहरीले मगरका परिवारजनसँंग सम्पर्क गरी परिवारलाई जिम्मा लगाउने तयारी गरिरहेको सशस्त्र प्रहरी निरीक्षक पदम भण्डारीले बताए । रासस