हामी सबैकाे संसारन्यूज

६ मङ्सिर ।  बेलायतमा एकै दिन २० हजार भन्दा बढिमा कोरोना भाइरस सङ्क्रमण पुष्टि भएको बताइएको छ ।

सरकारी स्रोतले उपलब्ध गराएको तथ्याङ्कमा बेलायतमा यही शुक्रबार एकै दिन २० हजार २ सय ५२ जना कोरोनाका सङ्क्रमित देखिएका बताइएको हो ।

शुक्रबार त्यहाँको स्वास्थ्य मन्त्रालयले सार्वजनिक गरेको तथ्याङ्कमा यहाँ सङ्क्रमितहरुको सङ्ख्या १४ लाख ७३ हजार ५ सय ८ जना पुगेको जनाइएको हो ।

साथै एकै दिनमा ५ सय ११ जना सङ्क्रमितको मृत्यु भएको बताइएको छ । यो सङ्ख्या बेलायतमा कोरोना सङ्क्रमणबाट मृत्यु भएका व्यक्तिको सङ्ख्या ५४ हजार २ सय ८६ पुगेको छ ।

पछिल्लो महिना यहाँ सङ्क्रमितको सङ्ख्या बढेसँगै मृतकहरुको सङ्ख्या पनि बढेको बताइएको छ । यहाँ कोरोनाको दोस्रो लहरको संक्रमण शुरु भएको बताइएको छ ।

जसका कारण बेलायतका केही ठाउँमा अझै लकडाउन जारी रहेको छ । त्यहाँको सरकारले यो तथ्याङ्कले बेलायतमा सङ्क्रमणले थप चिन्ता बढाइदिएको बताएको छ ।