Sansar News
वलिवुड नायक शुसान्त सिंहको आत्महत्यासँगै खुल्दै गएको वलिवुड ड्रग्सको जालोले भारतीय चर्चित कमेडियन कलाकार भारती सिंहलाई पनि एनसीबीको हिरासतमा पुर्याएको छ ।
भारतीय नारकोटिक्स कन्ट्रोल व्युरो (एनसीबीले भारतीको घरमा गाँजा बरामद गरेपछि उनलाई हिरासतमा लिएको र उनका श्रीमान हर्षलाई पनि सोधपुछ गरिएको भारतीय संचारमाध्यमले लेखेका छन् ।
ड्रग्स वसार पसार गर्नेको बयानबाट जानकारी लिएर प्रहरीले ड्रग्स रहेको आशंकामा भारतीको घरमा छापा मार्ने क्रममा उनको घरबाट ड्रग्स बरामद गरेको थियो ।
एनसीबीका अधिकारीले भारतीलाई गिरफ्तार गरेको र हर्षसँग सोधपुछ गरिरहेको बताएका छन् । एनसीबीले खारखंडा इलाकामा छापामार्दा २१ वर्षीय तस्करलाई पक्राउ गरेको र उनै तस्करको बयानबाट भारतीको घरमा ड्रग्स रहेको जानकारी मिलेको प्रहरीले जनाएको छ ।
भारतीको घरमा छापा मार्ने क्रममा प्रहरीले ८६.५ ग्राम गाँजा बरामद गरेको बताइएको छ ।
सोधपुछका क्रममा भारती र हर्षले आफूहरुले गाँजा सेवन गरेको कुरा स्वीकारेका छन् । उनीहरुलाई आज अदालतमा लैजाने बताइएको छ ।
ड्रग्स मामलामा यसअघि सुशान्तकी प्रेमिका रिया चक्रवर्ती, चर्चित नायिका दीपिका पादुकोण लगायतका कलाकारलाई एनसीबीले पक्राउ गरेर सोधपुछ गरेको थियो ।
वि.सं.२०७७ मंसिर ७ आइतवार ०९:२२ मा प्रकाशित
