Sansar News
७ मङ्सिर । अफगानिस्तानको राजधानी मा शनिबार भएको रकेट आक्रमणमा परी मृत्यु हुने व्यक्तिको सङ्ख्या ८ पुगेको छ ।
अफगानिस्तानको राजधानी काबुलमा आतङ्ककारी समूहले करिब २३ राउण्ड रकेट आक्रमण गरेका सरकारी अधिकारीहरूले बताएका छन् ।
प्रारम्भिक जानकारी अनुसार आक्रमणबाट ८ जनाको मृत्यु भएको र अन्य ३१ जना घाइते भएका छन् ।
अफगानी गृह प्रशासनले आक्रमणमा तालिवान समूहको सम्लग्नता रहेको आरोप लगाएको छ । गृहमन्त्रालयका प्रवक्ता तारिक एरियानले आक्रमण तालिवान समूहले गराएको सूचना सरकारले पाएको बताउँदै घाइते सबैलाई सरकारले उपचारको व्यवस्था गर्ने बताए ।
वि.सं.२०७७ मंसिर ७ आइतवार ०९:५५ मा प्रकाशित
