हामी सबैकाे संसारन्यूज

११ मंसिर, काठमाडौं । म्याच डे चार अन्तरगत समुह ए, बि, सि र डी को गएराति सम्पन्न खेलबाट बायर्न म्युनिख र म्यानचेष्टर सिटी युरोपियन च्याम्पियन्स लिगको अन्तिम १६ मा प्रवेश गरेका छन् । योसँगै च्याम्पियन्स लिगको अन्तिम १६ मा प्रवेश गर्ने टिमको संख्या ६ पुगेको छ ।

जर्मन क्लब बायर्न र इंग्लिस क्लब सिटीले समूह चरणका चार वटानै खेलमा जित हात पारेर दुई खेल अगावै अन्तिम १६ मा स्थान पक्का पारेका हुन् ।

गएराति सम्पन्न समूह ए को खेलमा खेलको ६६ औँ मिनेटमा १० खेलाडीमा सिमित बायर्नले साल्जवर्गलाई ३-१ ले पराजित गरेको हो । बायर्नका लागि रोवर्टो लेवान्डवस्कीले खेलको ४३औं मिनेटमा, ५२औं मिनेटमा किंग्सले कोमन र ६८औं मिनेटमा लरे सानेले गोल गरे साल्जवर्गका लागि भने ७३औं मिनेटमा मेर्गिम बेरिशाले गेल गरेपनि बायर्नले ३-१ ले खेल आफ्नो पक्षमा पा¥यो । समुह ए मा ४ खेलबाट १२ अंकका साथ बार्यन शीर्ष स्थानमा र समान खेलबाट ५ अंक जोडेको एट्लेटिको म्याड्रिड दोस्रो स्थानमा छ ।

यस्तै समुह चरणका चार वटानै खेलमा जित हात पारेको म्यानचेष्टर सिटी समूह सी मा १२ अंकका साथ पहिलो स्थानमा रहेको छ ।सिटीले समुह चरणको बाँकि २ खेल अगाबै दोस्रो चरणमा प्रवेश पाएको छ । सिटीले ग्रीक क्लब ओलम्पियाकोसलाई १-० ले हराउदै अन्तिम १६ मा स्थान बनाएको हो । सिटीको जितमा फिल फोडेनले ३६औं मिनेटमा गोल गरेका थियो ।

 महत्वपूर्ण खेलमा रियल मड्रिड विजयी

दुबै टिम जित्नै पर्ने दबावमा रेहेको खेलमा रियल मड्रिडले इटालियन क्लब इन्टर मिलानलाई पराजित गरेको छ । आफ्ना महत्वपूर्ण खेलाडि चोटका कारण गुमाएको रियल मड्रिडले इटालियन क्लब इन्टर मिलानलाई २-० ले पराजित गरेको हो।

समूह बी अन्तरगत भएको खेलमा खेलको सातौ मिनेटमै एडेन हाजार्डले पेनाल्टीमा गोल गर्दै रियललाई अग्रता दिलाएका थिए । त्यस्तै खेलको ५९औं मिनेटमा रियलकै पूर्व खेलाडी अच्रफ हाकिमीले आत्मघाती गोल गर्दा रियलले २-० गोल अन्तरमा इन्टरलाई पराजित गरेको हो ।

खेलको ३३औं मिनेटमा अर्टुरो भिदालले रातो कार्ड पाएपछि दबाबमा रहेको इन्टर स्पेनिस च्पाम्पियनको सामु निरिह बन्न पुग्यो । जितसँगै रियलको दोस्रो चरण प्रवेशको सम्भावन बलियो बनेको छभने इन्टर भने झिनो आशाका साथ समुहको अन्तिममा रहेको छ ।