हामी सबैकाे संसारन्यूज

काठमाडौं । भारतीय विदेश सचिव हर्षवद्र्धन श्रृंगला दुई दिने नेपाल भ्रमणका लागि काठमाडौं आईपुगेका छन् । चार्टड विमानमार्फत आएका उनी बिहिबार बिहान ११ बजे त्रिभुवन विमानस्थलमा ओर्लिएका थिए ।

काठमाडौं आईपुगेका हर्षवद्र्धनले आफ्नो भ्रमण दुई देशबीचको सम्बन्धलाई अगाडि बढाउने कुरामा केन्द्रीत हुने बताए । त्रिभुवन विमानस्थलमा पत्रकारसँग नेपाली भाषामै कुराकानी गर्दै उनले सम्बन्धलाई कसरी अगाडि बढाउने विषयमा केन्द्रीत हुने बताए ।

‘नेपालमा आएर अत्यन्तै खुसी लागेको छ, रमाइलो लाग्यो, पहिला पनि म काठमाडौं आएको छु तर, फरेन सेक्रेटरीका रुपमा यो भिजिट प्रथम हो’, पत्रकारसँगको कुराकानीमा उनले भने, ‘नेपाल हाम्रो निकै निकटम मित्र हो, आज मेरो निकै मिटिङ्ग हुन्छ, यो निकट सम्बन्धलाई कसरी अगाडि बढाउने भन्नेमा कुरा गरौंला ।’

न्यानो स्वागत र हार्दिकताको लागि धन्यबाद @PaudyalBR !
विदेश सचिव @harshvshringla र @PaudyalBR काठमाडौं आइपुगे पश्चात् स्थानीय मिडियासँग कुराकानी गर्दै #IndiaNepalFendership @MEAIndia @PMOIndia pic.twitter.com/RYVZZCA45k

— IndiaInNepal (@IndiaInNepal) November 26, 2020

उनले नेपालको परराष्ट्र मन्त्रालयका सचिव र मन्त्री प्रदीप ज्ञवालीसँग बिहीवार छलफल हुने जानकारी दिएका छन् । शुक्रवार शृंगलाले गोरखा र मनाङमा भारतीय सहयोगमा बनेका विद्यालय र गुम्बाको अवलोकन गर्ने कार्यक्रम रहेको जनाइएको छ ।

हर्षवद्र्धन जनाएअनुसार भ्रमणका क्रममा उनी गोरखा पनि जानेछन् । उनका अनुसार गोरखामा भारत सरकारको सहयोगमा ४० हजार घर निर्माण भईसकेको छ । अन्य संरचनाहरु पनि बनिरहेका छन् । हर्षवद्र्धन त्यहि संरचना हेर्न जान लागेका हुन् ।