हामी सबैकाे संसारन्यूज

१२ मंसिर, काठमाडौं । त्रिभुवन विश्व विद्यालयले बी.टेक (खाद्य प्रविधि) स्नातक तह प्रथम, दोस्रो, तेस्रो र चौथो वर्षको र वी.एस्सी (न्यूट्रिशन एण्ड डाइटेटिक्स) प्रथम,दोस्रो र तेस्रो र चौथो वर्षको परीक्षा आवेदन फारम भर्ने सम्बन्धमा सूचना जारी गरेको छ ।

नियमित (पूरा तथा आंशिक) परीक्षा दिने विद्यार्थीहरुलाई नियमित दस्तुरमा यहि मंसिर २६ गते सम्म र विलम्व शुल्क तिरी पौष ०१ गते सम्म क्याम्पसले परीक्षा आवेदन फारम भराई सक्नुपर्ने सूचना जारी गरेको हो ।

तोकिएको मितिले २ दिनभित्र प.नि.का.बल्खु तथा सम्वन्धित क्षे.प.नि.का.मा वुझाइ सक्नु पर्ने र शुल्क तथा अन्य नियमका हकमा गत वर्षको अनुसार नै हुने भएको समेत जानकारी दिइएको छ ।