Sansar News
१४ मंसिर, काठमार्डौं । रुपन्देहीमा कोरोना संक्रमणबाट थप २ जनाको मृत्यु भएको छ ।
लुम्बिनी प्रादेशिक अस्पतालका अनुसार मृत्यु हुनेमा बुटवल उपमहानगरपालिका वडा नं ७ का ४२ वर्षीय पुरुषको शनिबार राति ११ः२५ मा मृत्यु भएको हो ।
मंसिर ५ गते कोरोना पोजेटिभ भएपछि अस्पतालमा भर्ना भएका उनमा ज्वरो, मिर्गौलाको समस्या र श्वास प्रस्वासमा समस्या देखिएको थियो ।
त्यसैगरी बुद्धभूमि नगरपालिका वडा नं २ गोरसिङ्गे कपिलवस्तुका ७४ वर्षीय पुरुषको पनि उपचारका क्रममा शनिबार १०ः२० मा मृत्यु भएको हो ।
मंसिर ९ गते कोरोना पुष्टि भएपछि सोहि दिन नै अस्पतालमा भर्ना भएर उपचार गराएका उनमा ज्वरो, निमोनिया, मिर्गौला रोग र स्वास प्रस्वासमा समस्या रहेको पनि अस्पतालले जानकारी दिएको छ ।
वि.सं.२०७७ मंसिर १४ आइतवार १२:२१ मा प्रकाशित
