हामी सबैकाे संसारन्यूज

काठमाडौं । दक्षिण सुडानमा हुन लागेको जातिय हिंसालाई नेपाली सेनाले रोकेको छ । दक्षिण सुडानको क्वीवेट क्षेत्रमा तैनाथ नेपाली सेनाको टोलीले सम्भावित उक्त हिंसालाई रोकेको हो ।

क्वीवेट नजिकै क्याटल क्याम्पमा चोरी गर्न गएको कोङ्गुर जातिको एक व्यक्तिको मृत्युको घटनाले कोङ्गुर र आइल जातिबीच हिंसाको रुप लिएको थियो । दुई जातीबीच झडप हुन गईरहेको जानकारी पाएसँगै सेनानी विज्ञान विष्टको कमाण्डमा खटिएको टोलीको अपरेसनसँगै विवाद रोकिएको हो ।

दक्षिण सुडान (UNMISS) मा तैनाथ नेपाली शान्ति सैनिकबाट हिंसा नियन्त्रण#NAForWorldPeace #NAinPeacekeeping pic.twitter.com/ODCJLu1Zsw

— Nepali Army (@thenepalesearmy) November 30, 2020

झडप भएको क्षेत्र रुम्वेकस्थित सेनाको हेडक्वाटरबाट ७० किमि टाढा पर्दछ ।

जातिय द्वन्दका कारण निरन्तर नरसंहारबाट गुज्रेको उक्त देशमा पछिल्लो घटना रोकिएसँगै संयुक्त राष्ट्र संघले नेपाली सेनाको उच्च प्रशंसा गरेको छ । हाल नेपाली सेना उक्त क्षेत्रको विभिन्न इलाकाका शान्ति सुरक्षा कायम गराउने कार्यमा जुटेको छ ।