हामी सबैकाे संसारन्यूज

काठमाडौं । नेपाली कांग्रेसका वरिष्ठ नेता रामचन्द्र पौडेललाई प्रहरीले नियन्त्रणमा लिएको छ । तनहुँ पुगेका पौडेललाई निषेधाज्ञा तोडेको आरोपमा प्रहरीले नियन्त्रणमा लिएको हो ।

पौडेल स्वंयले आफुँ प्रहरी हिरासतमा रहेको जानकारी सामाजिक सञ्जालमार्फत गराएका छन् । उनले प्रहरीले सर्वसाधारण र नेपाली कांग्रेसका कार्यकर्तामाथि दमन गरेको बताएका छन् ।

‘भर्खर प्रहरी परिचालन गरि मलाईसमेत हिरासतमा लिएको जानकारी दिन्छु’, पौडेलले ट्विटमार्फत भनेका छन्, ‘साधारण जनता र नेपाली कांग्रेसका कार्यकर्तामाथिको प्रहरी लाठीचार्ज र दमन तत्काल बन्द होस् !’

भर्खर प्रहरी परिचालन गरि मलाई समेत हिरासतमा लिएको जानकारी दिन्छु ।
साधारण जनता र नेपाली कांग्रेसका कार्यकर्ता माथिको प्रहरी लाठीचार्ज र दमन तत्काल बन्द होस !https://t.co/bTj1gHwknc

— Ram Chandra Paudel (@NcPaudel) December 2, 2020

पौडेल आफ्नो निर्वाचन क्षेत्रस्थित एक पुलको उद्घाटन गर्न तनहुँ पुगेका थिए । पुल उद्घाटनकै विषयमा सत्तारुढ नेकपाको युवा संघ र नेपाली कांग्रेसबीच विवाद चर्किएपछि जिल्ला प्रशासन, तनहुँले उक्त क्षेत्रमा निषेधाज्ञा जारी गरेको थियो ।

उक्त निषेधाज्ञाका बीच प्रर्दशन गर्दै पुल उद्घाटन गर्न खोजेपछि प्रहरीले पौडलसहित कांग्रेसका कार्यकर्तालाई नियन्त्रणमा लिएको हो ।