हामी सबैकाे संसारन्यूज

१८ मंसिर, नुवाकोट । बेलकोटगढी नगरपालिकाको कार्यालयमा करार सेवामा कार्यरत इन्जिनियर पर्वत पौडेल घुस सहित पक्राउ परेका छन् ।

इन्जिनियर पौडेलले घर निर्माण सम्पन्नको प्रमाण–पत्र दिने प्रयोजनको लागि सेवाग्राहीसँग घुस माग गरिरहेको भन्ने सूचना एवं उजुरीका आधारमा अख्तियार दुरुपयोग अनुसन्धान आयोगको टोलीद्वारा निज पौडेलले सेवाग्राहीसँग ७५ हजार माग गरी होटल व्यवसाय गर्ने नारायणप्रसाद भट्टलाई लिन लगाई निज  भट्टले लिएको अवस्थामा उक्त घुससहित दुवै जनालाई नियन्त्रणमा लिएको हो ।

अनुसन्धानको सिलसिलामा पौडेलले अदुवाबारी खानेपानी योजनाको अन्तिम बजेट निकाशा गरिदिएबापत र निर्माण सम्पन्न घरको घर निर्माण स्थायी ईजाजत पत्र दिएबापत घुस लिएको तथ्य पुष्टि हुन आएकोले निजको उक्त कार्य भ्रष्टाचार निवारण ऐन बमोजिम सजाय हुन मागदावी लिई आज विशेष अदालत, काठमाडौंमा आरोपपत्र दायर गरेको अख्तियारले जानकारी दिएको छ ।